RSS

You are here

Mihajlovićka: Publikako sastipe prioriteti gendo jekh, raštra godaripa lela e kriza

“Ano vakhti ano save sijam, semno sito te ašuna doktorjen thaj profesia thaj te ova godaripne thaj solidarno. Sar ini aver kotora lumiake ini Srbia marelape ano duj karingope-te garava publikako sastipe sar prioriteti gendo jekh, a paralelno te kera ini projekcie thaj ekonomikane paketja vaš te garava ekonomia”, phendja avdive Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj,dostuipa ano detharinesko programi TV Hepi,phendja kaj ani infrastruktura projektja realizuinenape, thaj kaj si basaduno gendo bučarnengo, thaj kaj matrijali kotar Kina polokhe avela.

 

“Vaš akana, palalačhavipe ani realizacia sito kotar 20 dži masek dive, so sito but hari kana dikholape molipe kapitalno investiciengo. Adikhara tempo, kerelape buti ini pedo lačardipe Moravako koridori, sigutni pruga Beograd-Budimpešta, trujalutno drom trujal Beogradi, sar ini lačardipe auto-drom kotar Preljina dži Požega. Kera buti e majšukhar lumiake kompanienca, pedo majuče standardja, kotar “Behtel”, prekal rusiako RŽD, dži kinake thaj azerbejdžaneske kompanie, save saren siolen seriozno portfolio savo merinelape ano milijarde evrja”, phendja voj.

 

Telopresidentka Mihajlović phendja kaj Srbia, ini kaj tikni raštra, siola godaripaski thaj seriozno Thagarutni thaj presidento, save na vakharena kaj amenge kriza ka anol diso šukhar, uč kerena buti pedo odova te tiknaren konsekvence.

 

“Ulavipa kotar 2008. berš kana odola save legarena sine raštra na sinolen plani sar te iklon kotar kriza, kotar Tadić, Jeremić, Djilas, amen uč kera buti ano duj droma sar te phaga o problemja. Anglal leipe sito so Srbia akana na khuvdja kotar kriza ani kriza, soske sijamen stabilno budžeti thaj notirindjam naturalno trendi baripe BDP-esko. Numa, akaja sitoj globalno kriza, amari raštra sitoj olako kotor thaj sigurno kaj saren ola ka hačara”, phendja voj.

 

Mihajlovićka phendja kaj odova hačarolpe ini ano sektori transporti, thaj kaj gendo dromutnengo ano aerodromja “Nikola Tesla” thaj “Konstantin Veliki” kvašandilo kana dikha pedo vipal periodi ano nakhlo berš, a kaj si ini po hari maškharthemutno transporti thaj automobilja ano tranziti.