RSS

You are here

Mihajlovićka: Realizuipa reforme Srbia sikhavdja kaj olako than ano amalipe majšukharengo

“Buti Thagarutna Srbiaki sitoj te kerol šukhar biznis maškharipe, dizutne te ovelolen pošukhar dživdipasko standardi thaj te ačhon te dživdinen ani piri phuv. Miri angluni impresia sitoj kaj labdardindjam kaj reforme save sine dikhona bišajutne inara ano niveli kaj manga olen te realizuina thaj avdive Srbia sitoj ano amalipe majšukharutnengo ani lumia”, phendja  Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

 

Voj ani XII konferencia kotar ekonomikane reforme ani Srbia “Siva knjiga” phendja kaj Srbia avdive inati ani lumia pedo ikalipe urbanistikane mukhlipaske lila thaj kaj realizuipa reforme sikhavdja kaj šaj te ovol maškhar majšukhar phuvja lumiake.

 

“Khupatne bukja e NALED-ea kerdile rekomandacie, sar kotor jekhe bare programesko, neve investiciako planesko Srbia 2020-2025, soske manga te ova pošukhar thaj poefikasno. Vaš odova sito semno te ova posigutne thaj pokreativno, te ovelamen basandune bučarne, inžinjerja, ekonomistja, manuša save ka keren buti”, phendja voj.

 

Telopresidentka Mihajlović klidutnindja kaj sa so kerela Thagarutni Srbia, kerela vaš te oven lokhe thaj jekha jekh šartja ini vaš džuvljenge ini vaš muršenge, soske numa adžahar ekonomikano barjaripe phuvjako garantimo.

 

Ani XII konferencia kotar ekonomikane reforme ani Srbia lele kotor ini presidentka Thagarutnaki Ana Brnabić, ministri finansiako Siniša Mali, ambasadori EU ani Srbia  Sem Fabrici, administrator ani Ambasada Bara Britaniako Rebeka Fabrici thaj javerutni germaniako ambasadoresko Dorotea Gizelman.

 

Ani konferencia savi organizuindja Nacionalna alijansa vaš lokalno ekonomikano barjaripe-NALED dendile todine vaš reforma khuvipe pi buti sezonake bučarnengo ani agronomia, reforma registruipe hakaj manginesko thaj cidipe porezeske registraciake lila, sar ini vaš reforma sistemi paušalno devipe porezi thaj specialno todin vaš medie.