RSS

You are here

Mihajlovićka: Reforma “Putevi Srbije” musajutni vaš podur barjaripe thaj poefikasno buti

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive bešipe Bukjaka grupako vaš dikhlaripe reformjengo ano dromesko sektori ani Srbia, ano savo sina lafi kotar djiavdisutne rezultatja thaj aktivipe save manglape te kerenpe.

 

Mihajlovićka kotar odova phendja kaj Ministribe dromutnipasko nane čaljardo efikasipa thaj konkurentiba “Putevi Srbija” thaj adžukharela kaj akala reforma ka avolpe na numa dži pokvalitetno dromutni mreža, uč ini te kerolpe profitabilno publikaki firma, e šuže definišime obligacienca tha amboldipa.

 

“But kotar odova kerdjam ano nakhlo periodi, soske bi reformako ano dromesko sektori nane podur anglunipe. Džana save si kapacitetja thaj kritikake punktja thaj na sijam pherde čaljarde efikasipa bukjako savo kerela “Putevi Srbije”. Kupate e konsultatjenca thaj maškharthemutne partnerjenca ka definišina fundone linie sar reforma dromesko sektoresko, adžahar ini restruktuiripe akala firmako, ano reso poefikasno butipe, barjaripe kapacitetja sa relevantno instituciengo, ama ini lačardipe, adikhardipe thaj pobaro arakhipe dromengo”, phendja voj.

 

Ano bešipe ulavdo lafi sine kotar hramosaripe kontrakti maškhar Thagarutni Srbiaki thaj Publikako firmako “Putevi Srbije”, savea precizno ka definišinenpe nivelja servisjengo thaj te lačarolpe šužo vakhtuno programi vaš bukjenge thaj strukturno reforme.

 

Telopresidentka Thagarutnaki naisardja e dženutnenge kotar sa resorno ministribja, Lumijaka bankake, Evropaka bankake vaš nevisaripe thaj barjaripe, sar ini Evropaka investiciono bankake, pedo olengi buti thaj suporti ano planiripe thaj realizuipe reforme ano dromesko-dromutnikano sektori.

 

Dženutne Lumijaka bankake, EBRD thaj EIB phende kaj akava baro pato ano procesi reformjengo thaj sar rezultati trineberšengo bukjako, akala institucie ka lungaren te den dumo ani implementacia programesko.

 

Ano bešipe, uzo dženutne Ministribaske vaš lačardipe, dromutnipe thaj infrastruktura thaj phendutne finansijake organizacie, lele kotor ini dženutne kotar Ministribe vaš finansije, Ministribe  vaš ekonomia, Ministribe vaš andrune bukjenge, “Putevi Srbije”, “Koridori Srbije” thaj angažuime konsultantja.