RSS

You are here

Mihajlovićka sebepi lumiako dive pilotjengo: Nais tumenge so sijen uzi tumari phuv kana sito majphare  

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović, bahtakerdja avdive sa pilotjenge Lumiako dive pilotjengo, savo adikharelape 26.aprilea.

 

Mihajlovićka phendja kaj pilotja adžahar heroja akale vakhtesko thaj poulavdipe phendja kotar olengi semni rola thaj reslipe save dende ano vakhti pandemiako virusi Covid-19.

 

“Ano anglune rndja maripaske opipe pandemia korona virus ulavdo reslipe sa pilotjengo ani lumia. Baro naisaripe thaj bahtalipe bičalava zoralikane pilotjenge “Er Srbija” save ano but kompleksno šartja thaj pharikane maškaripe but dive thaj rakja nakhavde pedo lunge linie aniba but manglutno medicianako ažutipe thaj pedo akava čhandipe sine angluno suporti sastipaske bučarnenge ani mareba vaš dživdipe thaj sastipe manušengo”, phendja i Mihajlovićka.

 

Telopresidentka Thagarutnaki lepardja ini kaj pilotja sinolen semni rola ano but humanitarno urjavipa, savenca pobuder kotar 13.000 amare dizutne inardilo ani Srbia kotar čhivipe avrirndomi situacia dži avdive.  

 

“Ano zumavipaske thaj phare vakhtja, sar so sito akava vakhti globalno pandemia korona virus, moldipaske sito te sikhava solidaripe, godaripe thaj bajo jekhe averenge. Pilotja amare nacionalno avio kompaniake misal siton vaš odova thaj nais olenge so sine ano sakova momenti thaj siton pedo učipe bukjako, marinindope vaš šukharipe para phuvjake”, phendja pana i Mihajlovićka.