RSS

You are here

Mihajlovićka sikhavdja e žurnalistjenge infrastrukturake keripe dži po agor beršesko

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, sikhavdja avdive e žurnalistjenge ano bukjako džihabe plajna phande e infrastrukturake projektjenca savengo agorisipe jase leipe realizaciako planirinelpe dži po agor beršesko.

 

Ano kurko, 15 decembrea, uzo Kruševci ka ovol lepardo leipe bukjengo pedo lačardipe Moravako koridori, jase auto-drom Pojate-Preljina, savo direktno ka phanol pobuder kotar 500.000 manuša ani centralno Srbia.

 

Dive palo odova, ani Palata  Srbia ka ovol putardi bari multimedialno ekspozita ani savi pedo inovativno čhandipe ka sikhavelpe sa so kerdilo ano sektori infrastrukturako ani Srbia ano nakhlo periodi. Palo lošardo putaripe ani luja, planirimo kaj ekspozita kotar odova kurko ovela putardi ini vaš dizutnenge.  

 

Ano tetraidj,18.decembrea 2019. berš, ka ovol mukhli ano dromutnipe etapa auto-dromesko”Miloš Veliki”, kotar Surčin dži Obrenovac, lungipa 17,6 km. Pedo akava čhane, ano dromutnipe ka ovol sa 120 km auto-dromi kotar Surčin dži Preljina.

 

Adžahar, dži po agor beršesko planirimo sito agorisipe bukjengo ano pana duj projektja: rekonstrukcia etapako Smederevaki Palanka-Velika Plana thaj agorisipe bukjengo ano lačardipe Ipsilon phak.