RSS

You are here

Mihajlovićka: Sistemi vaš šužaripe melale pajnengo ka agorisinol butedekadengo problemi Beogradjanengo

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive trito bešipe Bukjaka grupako vaš dikhlaripe aktivipe pi realizacia projektesko lačardipe mašinengo vaš kanališipe thaj šužaripe melale pajnengo  ani diz Beograd.

 

Mihajlovićka lepardja kaj akava projekti but semno vaš šerutno diz, soske kaj Beogradi numa ani Evropa nanole šužardutno vaš melale pajna, thaj kaj lačardipe šužardutno ka agorisinolpe butedekadjengo problemi Beogradjanengo.

 

Ano avdisutno bešipe avazisalo Angluno lil kontrakti kotar projektiripe thaj kerdipe bukjengo, sar ini Memorandumi kotar halovipe e kinaka kompania CMEC, savea reselape o kerdutno bukjengo te džal ano gatisaripe aktivipaske thaj rodutne bukja musajutne vaš realizacia projektesko.

 

Pratsava Thagarutna Srbiaki, Ministribe vaš lačardipe, dromutnipe thaj infrastruktura dendilo te ovol investitori akale projektesko.

 

Ano bešipe Bukjaka grupako lele kotor  dženutne Ministribaske vaš lačardipe, dromutnipe thaj infrastruktura, Ministribe finansiako, Ministribe vaš uluvipe dživdipasko maškharipe, Diz Beogradi, Direkcia vaš publikako bordži, JKP “Beogradski vodovod i kanalizacija” thaj Direkcia vaš urbanistikano phuvipe thaj lačardipe Beogradesko.