RSS

You are here

Mihajlovićka: Srbia angluni ano regioni sine ani iniciativa"Kustik thaj drom" thaj Kina odova pačavinela

"Avdive saren marenape vaš kinake investicie, a Srbia sine angluni phuv ani mesmerjavinutni Evropa savi e ThR Kina hramisarda Memorandumi vaš leipe kotor ano globalno projekti "Kustik thaj drom" thaj ThR Kina odova pačavinela", phendja ano detharinesko programi TV Hepi telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj phendja kaj nane nisavo sebepi e Srbia te cidolpe kotar kinake investicie jase kotar kinake partnerja ano but projektja save realizuinela.

 

"Soske amen te cidahape kotar kinake partnerja ani Železara Smederevo,RTB Bor, lačardipe auto-drom "Miloš Veliki",savo khupate kerdjam, jase kotar neve projektja save realizuina.Odova sito ekonomikano šukhar pokimi buti thaj Srbia khonik na našalela. Uzo odova, ThR Kina siola lačhe relacie e EU, poulavdipe ano finansijako thaj bankarsko sektori, adžahar kaj kritike save denape phuvjenge save nane dženutne EU na perena ano bijandipaski phuv", phendja voj.

 

Mihajlovićka phendja ini kaj bari buti sito so Srbia labdarda te adikharol, te ovol stabilno thaj zorali thaj te resol maškharipe thaj lačhe relacie sarenenca.

 

"Amaro interesi sito te kera butu sarenenca - ini e Kinezjenca, Rusjenca, Azerbejdžancjenca, Turkjenca, Amerikancjenca thaj Evropljancjneca. Seriozno buti investirindjam te lačara šukhar relacie sarenenca, ini presidento Republikako Aleksandar Vučić ini Thagarutni Srbiaki. A me, sar dženo Thagarutnako, sim akate kaj sa so sito šukhar vaš amari phuv ini realizuinav", dendja voj klidutnipe.