RSS

You are here

Mihajlovićka: Srbia gatisarimi, rndomo avio-dromutnipe napal halovipe e Evropa

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja, dostuipa ano detharinesko programi TV Hepi, kaj „Er Srbia“ thaj Aerodromi „Nikola Tesla“ gatisarime te inicirinen urjavipe, ama odova sito phando e halovipa e evropake raštrenca thaj olenge aerotradipaske orgajnenca.

 

„Moldikano si te džana kaj ano vakhti epidemia korona virus amaro aerodromi nijekh momenti na sine phando-andjam medicinake vastušeja thaj realizuindjam humanitarno urjavipe, savenca pobuder kotar 15.000 amare dizutne inardile ani phuv, a paše 13.000 strancja urjavdile ano pere raštre. Ano akava momenti nikote ani Evropa nane rndome linie, ni šuže definišime procedure“, phendja voj.

 

Mihajlovićka pana phendja kaj avio-dromutnipe diso but aver ze dromesko dromutnipe, thaj adžukharelape kaj doktorja te den propozalja, sar majangle te pačavinelape pučipe arakhipe manušengo ano avioni.

 

„Ni Evropa pana nanola sa procedure - ka mangolpe mi PCR testi jase korkoroizolacia, pana nane čačikano definišimo kana sito ano pučipe rndomo avio-dromutnipe. Amen kotar 18.maji ka startujina urjavenca kotar štar dizja - Londoni, Beč, Frankfurti thaj Cirih, soske si pana amare dizutne save mangena te inarenpe ani Srbia. Sarjekh, manglape te ova barikane pedo „Er Srbia“, bi savesko khanči našti sine te realizuina ano vakhti avrirndomo situacia. Raštra sitoj akana ano potezi te ažutinol semne firme, sar so sitoj amari nacionalno avio-kompania“, phendja voj.