RSS

You are here

Mihajlovićka: Srbia gatisarimi te putarol avio-dromutnipe, vakharahape e Evropa

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj amari phuv gatisarimi te putarol avio-dromutnipe, ama odova ka kerolpe ano vakheripe e Evropa, soske kaj pana nane nikote dromutnengo urjavipe.

 

„Amare aviojna, pilotja thaj aerodromja siton gatisarime te len urjavipe, ama sar kupate ka vakharahape e Evropa, adžahar ka putara urjavipe. Pedo disave propozalja, vakhara kotar intervali maškhar 15. thaj 18. maji. Moldikano sito te džana kaj Aerodromi “Nikola Tesla” nijekh momenti na sine phando, soske “Er Srbija” andja 15.000 amare dizutnen kotar aver-aver kotora lumiake, sar ini kaj andja 2.500 tojna humanitarno ažutipe”, phendja voj.

 

Mihajlovićka phendja ini kaj ano dromutnengo avio-dromutnipe ka legarolpe logari kotar napja arakhipaske, ano rami e propozaljenca doktorjengo. 

 

„Sa napja save ana ano rami siton e aspekteja doktorjengo thaj profesiako. Kana vakhara kotar napja arakhipaske ano avio-dromutnipe, saren save mangena te nakhen po drom musaj te ovelolen testi pi korona virus savo nane polungo kerdilo kotar 72 satja, a kana avena urjavipasta nakhena ani izolacia”, phendja voj.

 

Telopresidentka kerdja apeli pedo dizutne te oven putarde akhjenca thaj na kinena avio-karte save uč akana dena disave low cost kompanie, leipa ano dikhibe kaj raštra pana na ikaldja nijekh mukhlipasko lil vaš buti. 

 

„Vaš ma kon avioni savo ka urjavol jase ka fulol ano amaro aerodromi manglape agorisipasko lil kotar ministribe thaj direktorati vaš civilno aerotradipe. Amen adžahar mukhlipasko lil vaš buti khanikaske na dendjam thaj but rizikako akana te kinenpe karte, soske nane sigurno kana ka lenpe urjavipe”, phendja i Mihajlovićka.

 

Telopresidentka Thagarutnaki sikhavdja ini pedo odova kaj avio-dromutnipe sakote ani lumia siole škodra, savi ani Evropa adikharelape kaj sitoj 160 milijarde evrja, dži ani Srbia škodra  akana paše 30 milijojna evrja. 

 

„Ani akaja situacia sikhavdilo kobor si moldikano te ovelamen nacionalno avio-kompania, savi ano vakhti anglo kriza barjakardja ini khuvipe lovesko thaj gendo dromutnengo. “Er Srbija” kerela but moldikano buti ano vakhti epidemiako thaj po rndo sitoj raštra, te resol olake šartja vaš buti thaj te ažutinel so po lokhe te iklol kotar kriza”, dendja klidutnipe i Mihajlovićka.