RSS

You are here

Mihajlovićka: Te ova godarutne thaj solidarno soske akava ka ačhol but vakhti, transporti sito prioriteti

“Publikako sastipe dizutnengo Srbiako sito ano angluno than, paralelno kera bajo ini kotar ekonomia thaj vaš dive pale sa akava. Sistemi funkcionišinela, akhara saren pana jekh drom pi disciplina, sabrluko thaj solidaripe, kaj saren kupate te resa so po tikno bufljaripe virusesko, soske akaja situacia ka ačhol but vakhti”,phendja ano detharin Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr  Zorana Mihajlović.

 

Dostuipa ano detharinesko divutno RTS-esko, Mihajlovićka phendja kaj olako prioriteti ano vakhti sasutni restrikcia ano tradipe, funkcionišinela transporti ano thaj prekal Srbia sar amare dizutne ovena dendutne sa roba so manglape.

 

“Robako dromutnipe ani teritoria Srbiako funkcionišinela, pharipa, ama e sakova dive astarelape anglunipe. Idžesta ani Srbia khuvde 3.507 kamiojna, kotar odova 1.500 akahrela roba vaš amari phuv, dži numa anglo trin dive sine numa 900 sa. Ano savakhtuni komunikacia  sim e sa kolegenca kotar regioni vaš te resa o transporti te funkcionišinel, soske anibe roba dizutnenge sito kotar vitalno interesi”, phendja i Mihajlovićka. 

 

Voj phendja kaj tradutne kamiojnenge nakhena prekal sa napja kontrolake, dži tradutne save siton ano tranziti prekal Srbia siolen 12 satja te iklon kotar amari teritoria, dži amare tradutne kana mukhena kamioni ano magacini nakhena ano izolacia dži aver nevo tradipe. Mihajlovićka phendja kaj si but džene ano samatrende kana vakharlape kotar dromutnengo dromutnipe.

 

“Dikhlam aratike kolona lungi 30 km ano Batrovci. Ruidžisardjam kurkenca ini presidento Aleksandar Vučić thaj Thagarutni Srbiaki  amare dizutnen save dživdinena ano avrijalutnipe ta na aven ano akava periodi. Amen našti olenge te stopirina te kheven ani piri raštra, ama manglape te džanen kaj kotar 24 dži 28 dive ka oven ano karantini. Kotar dujto rig, strancjenge khuvipe ani amari phuv sito stopirimo”, phendja voj.

 

Mihajlovićka phendja ini kaj kerdili restrikcia avio dromutnipasko sar bi bufljaripe virusesko fulavelape  ano majtikni šajutno napi, dži andruno dromutnipe ani Srbia funkcionišinela, ama e pharuvenca vaš čhivipe stopiripe phiribasko kotar 20 dži 5  sati. 

 

“Eventualno cidipe andrune  dromutnipasko thaj ačhavipe dizjako tradipe ka ovol pratsav savi ka anole ano rndo e propozaljenca  savi dena profesia thaj krizako štabi”, phendja pana voj. 

Telopresidentka Mihajlović inardjape ini pedo lačardipe thaj phendja kaj ano efta lačardipaske thana ani Srbia kerena  buti paše 2.700 bučarne.  

 

“Propozalo Ministribasko sito te kerolpe buti ano lačardimaske thana save siton ano putardipe, uzo pačavipe sa napjengo arakhipaske. Musaj te gndina ini kotar dive palo sa akava, a odova semninela kaj uzo publikako sastipe sar majbaro prioriteti, legara bajo paralelno ini kotar ekonomia”, dendja klidutnipe i Mihajlovićka.