RSS

You are here

Mihajlovićka: Te reselpe Romenge thaj Romnjenge školuipe, sastipasko uluvipe thaj buti, sar ini sa aver dizutnenge Srbiake

Telopresidentka Thagarutna Srbiaki thaj presidentka Koordinaciako trupesko vaš dikhlaripe realizacia Strategiako vaš socialno inkluzia Romengo thaj Romnjengo ani Srbia, prof. dr Zorana Mihajlović, sine avdive ano lošalipe sebepi leipe pilot-projekti maškharipe e alosarde dizjenca thaj komunenca, ano rami GIZ-esko projekti “Inkluzia Romengi thaj aver marginalizuime grupengo  ani Srbia”.

 

Mihajlovićka vaš odova phendja kaj Thagarutni Srbiaki zorale orjentišimi kaj inkluzia romana khupatnako nane te ovol numa paramisi, ideja thaj manglipe thaj kaj ano realno dživdipe sakodivutno marahape te resa jekha jekh čhinavdipe vaš Roma thaj Romnja.

 

“Te resolpe Romenge thaj Romnjenge jekha jekh čhinavdipe vaš te barjarenpe, edukuinenpe, khuvena pi buti thaj dživdinena sar sa aver dizutne Srbiake vaš amenge sito semno, na vaš khuvipe ani Evropaki unia thaj putaripe talošerandutnipe, uč vaš barjaripe Srbiako, ekonomikano barjaripe thaj manglipe kaj sa amare dizutne te dživdinen šukhar, kvalitetno thaj pedo evropikane standardja”, phendja voj.

 

Mihajlovićka pana phendja kaj akava projekti ulavdo semno soske musaj  saren amen pobut te kera buti kaj ini sa napja thaj akciono plajna legarenape ano lokalno niveli, thaj vaš odova Thagarutni Srbiaki thaj Koordinaciako trupo ka lungarol odola bukja ano maškharipe e maškharthemutne partnerjenca sar so sito GIZ.

 

Zoran Radojičić, dizakopočekatuno Beogradesko, phendja kaj Diz legarela politika Thagarutna Srbiaki kana sitoj inkluzia thaj integracia romana khupatnako ano amalipe.

 

“Poulavdipe sijam fokusirime ano umalja sar socialno uluvipe thaj leipe personalno dokumentja, khuvipe pi buti, kherutno uluvipe thaj sastipasko uluvipe. Čhandipe pedo savo ažutina marginalno grupe sikhavela kobor sijam sar amalikano socialno amen godarutne”, phendja o Radojičić.

 

Tomas Šib, ambasadori Germaniako ani Srbia, phendja kaj integracia marginalizume grupengo semno direko germaniako-srbikano maškharipe thaj kaj GIZ ka lungarol te doldumo koordinaciake mihanizmjenge Thagarutnake ano odola aktivipe.

 

“Semno šarti vaš socialno inkluzia Romengi thaj Romnjengi sitoj šukhar funkcionišipe raštrako strukturako. Ka lungara te da dumo Thagarutna Srbiake, a poulavdipe  amen šukhar so 15 komune thaj 12 dizja save sikhavena baro angažmani thaj buti ani akaja umal. Semno sito ini so lela kotor lokalno ekonomia ani akaja buti”, phendja o Šib.