RSS

You are here

Mihajlovićka: Te sinam inate ano iklovipe urbanistikane mukhlipaske lila-šaj ini ano anglune 10 ani sa Doing Business lista

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj lačaripa rejtingo kotar 48. pedo 44. than resla šukhar rezultati ano Doing business lista Lumiaka bankako, ama reso Srbiako musaj te ovol maškhar anglune 10 phuvja lumiake ani akaja lista.

 

 “Sar so phengljum ano nakhlo berš kaj nane than apatiake kana rumindilo rejtingo ani akaja lista, adžahar ini akana kana anglusardam vaš štar thana ani lista Lumiaka bankako nane than euforiake. Sijamen ambicia kaj Srbia te ovol ano anglune 10 ani lumia ani Doing business lista thaj uč kotar luja ano bešipe Khupatna grupako vaš Doing business  la te kera buti ano anipe akciono plani sar odova reso ini te resa”, phendja voj ani konferencia  ani savi sikhavdilo nevi edicia Doing business lista.

 

Mihajlovićka, savi sitoj presidentka Khupatna grupako vaš anglunisaripe pozicia Republika Srbiako  ani rang-lista Lumiako bankako kotar čhinavdipe biznisesko, phendja kaj ”te sine kaj ano urbanistikane mukhlipaske lila sijam inate ani lumia, palem odova sito dovada kaj šaj ini ano aver umalja ano save denape poejna ani akaja lista te ova ano anglune deš”.

 

“Poulavdipe kera naisaripe e NALED-eske savea khupate kerdjam pedo akaja buti kotar 2014. berš, ama ini ministrjenge ekonomiako, finansijengo thaj energetikako save halile kaj nane barijere save našti te nakhava vaš te kera anglunisaripe. Ano nakhlo berš pharuvindjam efta kanunja thaj andžam jekh semni direkcia naisaripe savi avdive sijamen akava rezultati”, phendja pana telopresidentka Thagarutnaki.

 

Mihajlovićka  phendja kaj ano periodi so avela Khupatni grupa ka lundjarol te kerol khupate e Ministriba ekonomiako thaj Ministriba finansiako vaš pana pobut te anglunisarenpe čhinavdipe biznisesko, sar ini kaj ka ovol agorisimo ini pučipe potele plasmani  ani kategoria leipe bukjako.

 

“Te sine kaj mukha ani rig basketboli, voleboli thaj Novak Djokoviće, akaja lista ani savi Srbia majšukhar plasirimi ani lumia. Akaja lista sitoj majsemni vaš amari ekonomia thaj vaš odova saren manglape khupate  te kera vaš pana pošukhar te ova ano berš so avela”, phendja voj.

 

Mihajlovićka pana phendja kaj Srbia, uzi Kroacia, numa phuv ano regioni savi ano akava berš resla anglinisaripe ani Doing business biznis lista thaj lepardja kaj e Srbia ani akaja lista akharelape e majzorale phuvjenva ani lumia.

 

 Regionalno menadžeri Maškharthemtuna finansijsko korporaciako (IFC) vaš centralno thaj maesmerjavinutni Evropa, Tomas Lubek, bahtakerdja Timeske Thagarutna Srbiako pedo reslo anglunisaripe pi Doing business lista, kote poulavdipe  ulavdja umal ikljovipe uranistikane mukhlipaske lila.

 

Ambasadorka Bara Britaniako ani Srbia, Šan Makleod, phendja kaj Bari Britania deladumo Srbiake ano anglunisaripe olake ekonomiako thaj bahtakerdja labdardipe Thagarutna Srbiake ani modernizacia raštrako direkciako thaj barjaripe elektronikaki direkcia, sar umalja ano save akaja phuv deladumo vaš realizuipe reformjengo.

 

Srbia ano Doing business lista anglunisardja vaš štar thana thaj akana sitoj ano 44. than kotar 190 phuvja ani lumia. Majšukhar plasmani pedo kategorie sitoj ano ikljovipe urbanistikane mukhlipaske lila, kote Srbia 9. ani lumia, so sito lačardipe vaš duj thanenge.

 

Ani komparacia e maškharipa Srbia sitoj anglo BthajH (90.than), Albania (82), Kroacia(51), Ungaria (52), Rumunia (55), Crna Gora (50), Bugaria (61) thaj Grecia (79), a anglo amende siton Slovenia (37) thaj Šudrorigaki Makedonia (17).