RSS

You are here

Mihajlovićka thaj ambasadorka Kinaki ano trujalutnodrom trujal Beogradi: Agorisipe bukjako po hari kotar duj berš

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović dikhlardja avdive e ambasadorka ThR Kina Čen Bo lačardimasko than ano keripe Trujalutno drom trujal Beogradi thaj kotar odova phendja kaj agorisipa Trujalutno dromea ka resolpe kaj palo but dešutne berša pharipasko dromutnipe ka ovol dislocirimo kotar centri dizako.

 

“Barikani sim pedo sa lačardimaske thana ani Srbia, pedo save momentalno kerena pobuder kotar 3.500 bučarne. Nais sa kerdutnenge, investitorjenge a poulavdipe bučarnenge save ano akala phare maškharipe kana dominirinela ini bajo ini dar kerena buti sa o vakhti”, phendja voj. 

 

Mihajlovićka phendja kaj etapa Trujalutno drom trujal Beogradi lungo 20 km ano molipe kotar 207 milijojna evrja ka ovol gata po hari kotar duj berša.

 

“Uzo odova, kerdutne dendema informacia kaj purt ani Ostružnica ka ovol gata ano maji ano akava berš”, phendja voj.

 

Mihajlovićka naisardja ThR Kinake thaj ambasadorkake Čen Bo savi kotar angluno dive epidemiako uzi Srbia, sar ini sa kinake kompanienge pi buti thaj donacie save dende.

 

Ambasadorka ThR Kinaki Čen Bo phendja kaj kinake kompanie na ačhavde bukja  ano projektja save realizuinena ani Srbia.

 

“Sa kinake kompanie kerde sa vaš te tiknaren negativno tenzia viruseski Covid-19. Aktivno la kotor ani mareba opipe epidemia. Majmoldipe sito sastipe bučarnengo, ama ka da amaro reslipe ini ano ekonomikani sanacia Srbiaki, phendja Bo.