RSS

You are here

Mihajlovićka thaj Armitaž: Devipedumo Populaciake fondesko UN e Srbiake thaj regioneske but pobut ze šukharavilutno

Telopresidentka Thagarutna Srbiaki thaj presidentka Koordinaciake trupesko vaš njamesko jekh jekhipe, prof. dr Zorana Mihajlović, vakhardja avdive e regionalno direktorka Populaciake fondesko UN (UNFPA) Alana Armitaž.

 

Telipresidentka Mihajlović pendžardja e doste e napjenca save legarela Srbia ani populaciaki politika, sar ini e aktivipa save kerela Koordinaciako trupo vaš njamesko jekh jekhipe.

 

"Populaciaki politika thaj demografia siton centralno pučipe na numa ani Srbia thaj regioni uč ano sa buflardi Evropa thaj lumia, soske saren amen malavdinahape e jekhe jekh problemeja: sar te ovelamen so pobut bijande čhavore thaj sar te reaguinolpe pedo neve procesja migraciake. Ekonomikani situacia nane šerutno problemi, a napja save legarela Thagarutni Srbiaki našti te den sigutne rezultatja, uč on ka dikhenpe ano avutnipe. Vaš odova majšukhar akava problemi te agorisina  kupate, pedo niveli regionesko thaj Evropako thaj ažutipe Populaciako fondesko UN but pobut ze šukharavilutno", phendja i Mihajlovićka.

 

Alana Armitaž naisardja e telopresidentkake Mihajlović pedo sa so dži akana kerdja sar  ani umal populaciaki politika, adžahar ini pedo pučipe njamesko jekh jekhipe thaj čhinavipe pedozoralipe pe džuvlja.

 

"Amaro fokusi  sigurno ka ovol pedi populaciaki politika ano regioni, ano savi ka kera kupate e maškhathemtune finansijsko organizacienca thaj sarenenca save šaj te ažutinen. But sito semno  so ani Srbia, pedi Thagarutni Srbiaki thaj pedo Koordinaciako trupe savo legarena, ka ovelamen barikano partneri", phendja i Armitaž.

 

Regionalno direktorka UNFPA vaša akava bičaldja oficielno akahripe telopresidentkake Thagarutni Srbiaki Zorana Mihajlović vaš leipe kotor ani lumiaki konferencia sebepi 25 berš buti Populaciako fondi UN, savo ano novembri ka adikharolpe ano Najrobi.