RSS

You are here

Mihajlovićka thaj Rjupin: „Lukoil” mangela pana pobut te barjarolpe ani Srbia

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e delegacia kompaniako “Lukoil”, savi legargja Denis Rjupin, generalno direktori, thaj olenca vakhradja kotar maškharipe akala rusiaka kompania thaj Thagarutni Srbiaki.

 

“Srbia thaj Rusiaki Federacia siolen but šukhar bilateralno relacie thaj strategiako partneripe, bazirimo pedo but šukhar relacie duje presidentjengo. Amenge sito ano interesi o “Lukoil, sar labdardi kompania, te lungarol te kerol biznisi ani Srbia thaj akate sijam te da dumo tumare bizniseske te harmonizuinolpe e akanutne thaj neve kanuneske normenca ani amari raštra”, phendja i Mihajlovićka.  

 

Denis Rjupin phendja kaj “Lukoil” kotar 2003. berš sito ani Srbia thaj mangela te ačhol te kerol buti ani amari phuv, thaj kaj poro biznisi bazirinela pedo kanunipe Srbiako. 

 

“Lukoil“ sitoj kompania savi mangela pana te barjol. Lungo vakhti sijam ano srbikano marketi thaj manga akate te ačhova. Tumaro devipedumo ano harmonizuipe e lokalno kanunipa sito amenge semno”, phendja o Rjupin.