RSS

You are here

Мihajlovićka thaj "Šandong" : Kupate ka lačara auto-drom Beograd-Zrenjanin thaj Zrenjanin - Novi Sad

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e javerutnoa presidentosko DŠ korporaciako "Šandong hajspid" Meng Jenoa thaj olea vakhardja kotar lungaripe suksesno maškharipe ano neve projektja, majangle pi realizacia lačardipe auto-dromesko Beograd-Zrenjanin thaj Zrenjanin-Novi Sad.

 

"Kompania "Šandong" sitoj savakht šukharavilutni ani Thagarutni Srbiaki. Leipa ano dikhipe butšukhar maškharipe savo resljam ano lačardipe auto-dromesko "Miloš Veliki", manga te lungara kupatni buti ini pedo neve projektja lačardipe dromutnipaski kotar Beogradi dži Zrenjanin thaj kotar Zrenjanin dži Novi Sad. Ano pučipe siton semne thaj bare projektja thaj manga tumen ano khupatno timi ano olengi realizacia", phendja i Mihajlovićka.

 

Telopresidentka Thagarutnaki phendja pana kaj Thagarutni Srbiaki thaj ministribe savo legarela siolen butšukhar maškharipe e kinake kompanijenca, naisaripe šukhar relacie presidentjengo duje raštrengo - Aleksandar Vučić thaj Si Djinping.

 

Meng Jen phendja kaj kompania "Šandong" but interesimi te lol kotor ani realizacia leparde projektjengo, thaj kaj empirie kotar lačardipe auto-drom "Miloš Veliki" thaj djiavdisutno maškharipe sile baro molipe vaš avutni khupatni buti.

 

"Uzo akala projektja, interesuime sijam ini vaš maškharipe ani umal stph. godjaripasko dromutnipe. Ano rami e ekonomikane barjaripa Srbiako, sigurno sijam kaj manglipe  pobaro šužaripe dromutnipasko, vastalutnipe thaj lačardipe dromutnipasko ano reso so po kvalitetno tradipe egzistirinela", phendja o Meng.

 

Ano bešipe vakhardilo kotar formiripe khupatni bukjaki grupa ano reso so po efikasno realizacia projektesko vaš lačardipe dromutnipasko Beograd-Zrenjanin thaj Zrenjanin-Novi Sad.