RSS

You are here

Mihajlovićka thaj Smajićka kotar lačardipe auto-dromesko Beograd-Sarajevo

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e neva ambasadorka Bosna thaj Hercegovinaki ani Republika Srbia, Aida Smajić, a angluni tema bešipasko sine khupatne infrastrukturake projektja.

 

"Sijamen baro gendo khupatne projektja ani umal infrastruktura thaj manga amaro maškharipe te kera poefikasno, a odova sito ini čhandipe te sikhava kaj sar regioni šaj te kera buti kupate thaj te dža angle", phendja i Mihajlovićka.

 

Voj phendja kaj majsemno projekati vaš duj phuvjengo lačardipe auto-dromesko Beograd-Sarajevo, savo ka lačarolpe sar angrustik auto-drom, phandipa duj phuvja ano duj droma. "Bukja pedo lačardipe angluni trasa Sremeski Rača-Kuzmin lelile thaj adžukhara, kana ka ovol vizita turkiake presidentosko Redžep Taipe Erdogan, te aven presidentja Srbiako thaj Turkiako thaj so preseduinela Prezidiumeja BthajH. Vaš dujto trasa, kotar Požega dži Kotorman, kerelape projekteski-tehnikaki dokumentacia", phendja i Mihajlovićka.

 

Voj čhivgja akcenti pedo semnipe agorisipe kupatno samtrendako nakhavipe ani teritoria BthajH, savo ka resol te mukhelpe ano dromutnipe purt maškhar Ljubovia thaj Bratunac savi Srbia lačardja, a savo sito kotar baro semnipe vaš dizutne thaj ekonomia duje phuvjengo.

 

Smajićka denga nota kaj diplomatikane relacie maškhar Bosna thaj Hercegovina thaj Srbia šukhar thaj kaj majšukhar segmenti odole maškharipasko umal ekonomia, a majemno kupatno projekti duje raštrengo lačardipe auto-dromesko Beogard-Sarajevo.