RSS

You are here

Mihajlovićka thaj Teofanis: Porto ano Soluni palem putarelape vaš Srbiake

Telopresidenka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e dženutnenca greciaki-srbikani ekonomikani komora, savo legardja presidento porto Solun Sotiris Teofanis.

Telopresidentka Mihajlović phendja kotar tradicionalno thaj amalikano maškharipe Srbiako thaj Greciako thaj  lepardja ulavdo maškharipe savi Srbia prekal istoria sinola e portoa Solun.

 

“Srbia sitoj ano maškharipe thaj bitrujalutno kotor transportno thaj dromutnikano sistemi mesmerjavinutni Evropa thaj sakoja forma maškharipasko ani akaja umal vaš amenge sito kotar baro interesi. Manga maškharipe e porto Solunea, sava prekal istoria sinamen but šukhar relacie thaj manga amare kompanie so pobut te labarinen akaja forma transporteski”, phendja i Mihajlovićka. 

 

Presidento solunako porti Sotiris Teofanis pendžardja e Telopresidentka Mihajlović thaj olake time e plajnenca barjaripaske solunesko porti, ama ini šaipe investiripasko porti Solunesko ano neve terminalja save te oven sar ani Srbia, adžahar ini ano regioni.

 

“Vaš amenge maškharipe e  Srbia na numa ekonomikano pučipe, uč ini pučipe tradiciako. Neve investicienca manga te resa pašaripe majbare transportjenge ani porto Solun vaš te ova regionalno transportesko centri. Adžahar, manga te investirina ani Srbia ano stph. “šuke porto”, jase kontejnereske terminalja save čačikane ovena vudara soluneske porteske ano regioni”, phendja o Teofanis.

 

Vakhardilo kaj ano majharno vakhti te formirinolpe ulavdi grupa vaš maškharipe maškhar ministribe thaj greciaki-srbikani ekonomikani komora, savi te definišinol thaj konkretikane plajna thaj projektja khupatne maškharipaske.