RSS

You are here

Mihajlovićka: "Tikne Šengenea" dži „Mukhljutno Balkani“!

Telopresidentka Thagarutna Srbiaki prof. dr Zorana Mihajlović bahtakerdja hramisaripe khupatni Deklaracia kotar mukhljutno transveri robako thaj dizutnengo maškhar Albania, Šudrorigaki Makedonia thaj Srbia, savi inicirindja presidento Srbiako Aleksandar Vučić.

 

"Deklaracia kotar čhutljardipe stph. tikno Šengeni, savo bazirinelape pedo fundone molipe EU kotar mukhljutno phiripe kapitalesko, robako, servisjengo thaj manušengo, dovada sito ini kaj Albania, Šudrorigaki Makedonia thaj Srbia biulavdutno kotor khedutna Evropako, savo ini sito reso sa phuvjengo rjačutne Balkaneske", phendja i Mihajlovićka.

 

Voj ulavdja kaj "tikno Šengeni" nane ano than vaš dženipe ano EU, kaj odova nane keripe disave neva SFRJ jase harno drom vaš realizuipe nacionalistikane projektja  ano Balkani.

 

"Fundono reso "tikne Šengenesko" sito ekonomia, arakhipe thaj pošukhar dživdipe dizutnengo, reso sito "Mukhljutno Balkani", ano savo manuša šaj mukhljutne te phiren, te keren buti, te ačhoven te dživdinen ano akala thana thaj te anen pratsavja kotar poro avutnipe. Deklaracia sikhava ini kaj na manga te beša phande vastenca  thaj te adžukhara dži e EU reformišinelape vaš te lungarolpe politika  bufljaripaski, ama ini kaj na manga te khuva ani EU sar problemi, uč sar legardutne neve agorisipaske", phendja i Mihajlovićka, savi adžukharela kaj ini aver phuvja rjačutne Balkaneske pašona ani akaja iniciativa.

 

Voj sitoj pačavdi kaj ano bešipa save ka oven e premijerea Šudrorikaki Makedonia ano Ohridi thaj premijerea Albaniako Edi Ramea ani Tirana ka arakholpe ini konkretikano bahamja vaš so po lokhe thaj pošukhar džividpe amare dizutnenge.

 

"Šaipe siton bilimitirime. Ovelamen sine jekhutno marketi pedo savo na ovela sine adžukharipe ni robako ni manušengo ano samatrendengo. Dizutne sine dromutninena e personalno karta, cidelape sine ini roming, dromesko pokhipe pokinlape sine jekhutne tagea. Jekhutno marketi bukjako putarela sine neve šaipe kaj privatno iniciativa thaj biznisi arakhena neve čhandipe phandipaske", phenela i Mihajlovićka.