RSS

You are here

Mihajlovićka: „Tikno Šengen“ vaš pošukhar thaj kvalitetno dživdipe dizutnengo

“Tikno Šengen“ sitoj lačhi iniciativa savi semninela ekonomikano phandipe thaj pošukhar dživdipe vaš amare dizutne, so, pačavava, ani interesi sa phuvjengo ano regioni", phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr  Zorana Mihajlović.

 

Dostuipa ano detharinesko programi TV Hepi, Mihajlovićka phendja kaj "tikno Šengen" sito pučipe ekonomiako thaj ano interesi Srbiako te ovol konkurentno, te resol posig transveri ano samatredjengo nakhavipe thaj kaj dizutne šaj te nakhen ano aver raštre e personalno karta.

 

„Semno sito te resa posig transveri ini manušengo ini robako, odova sito šukhar vaš amaro ekonomikano barjaripe thaj ekonomikani konkurencia. Amaro reso sito o manuša te dživdinen pošukhar thaj pokvalitetno, te ovelolen poučo dživdipasko standardi thaj te ačhon te dživdinen ano akala thana “, phendja voj.

 

Mihajlovićka pana phendja kaj baro problemi siton lunge adžukharipe ano samatrendjenge nakhavipe, a odova ulavdo dikholape e phuvjenca save siton dženutne EU thaj kaj Srbia ka kerol sa kotar piri rig kaj carina thaj policia ovela po efikasno thaj po sig, numa, problemi siton aver phuvja.