RSS

You are here

Mihajlovićka: Vaš Devlikano Nikola kotar Beogradi dži Čačak vaš jekh sati

“Ano tetraidj, anglo Devlikano Nikola, ano dromutnipe ka mukha etapa auto-dromeski kotar Surčin dži Obrenovci, sava la pana 120 km ano rndo kotar Beogradi dži Čačak thaj tradipe kotar jekh sati. Kotar odova šaj numa sine te dikha suno anglo disave berša”, phendja avdive Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj vaš detharinesko divutno RTS-esko phendja kaj akava projekti agorisalilo ano roki thaj kaj ole lačarde khupate kinake thaj srbikane kompanie.

 

“Lačardilo 17,6 km auto-drom, plus lačhardutno purt prekal Sava thaj Kolubara. Mukhlipe ano dromutnipe akala etapako savo sitoj kotor “Miloš Veliki” ka tiknara gužve save akana si ano khuvipe pedo akava auto-drom. Lungara podur lačardipe “Miloš Veliki”, dži po agor 2021. ka ovol gata etapa kotar Čačak dži Požega, a kera buti ini pedo lačardipe projektesko-tehnikaki dokumentacia kotar Požega dži pi samatrenda e Crna Gora. Molipe numa dokumentaciako sito 50 milijojna evrja”, phendja i Mihajlovićka.