RSS

You are here

Mihajlovićka: Zumavipa si but, koordinišime bukja kera jekha jekh šartja vaš Roma thaj Romnja

“Nane umal ani amalikani sfera kana sito ano pučipe inkluzia Romengi thaj Romnjengi pedi savi na kera buti. Zumavipe, stereotipja thaj problemja si but, ama koordinišime aktivipa  kera pedo jekha jekh šartja vaš dženutne romana khupatnako ani edukacia, sastipasko uluvipe, bešipe ano khera thaj khuvipe pi buti”, phendja avdive Telopresidentka Thagarutna Srbiaki thaj presidentka Koordinaciako trupesko vaš dikhlaripe realizacia Strategiako vaš socialno inkluzia Romengo thaj Romnjengo, prof. dr Zorana Mihajlović.

 

Mihajlovićka, putaripa seminari kotar socialno inkluzia romana khupatnako, phendja kaj Koordinaciako trupo mangalpe te ovol pana pozoralo motori ani akaja umal, thaj kaj koordinacia na numa republikake institucienca, uč ini bithagarutne sektorea savo but kerela buti ano akala teme, manglape te ovol pozorali.

 

“Sakova dizutno Srbiako amenge jekha jekh sito semno thaj keripe jekha jekh šartja vaš barjaripe jekh sito kotar prioritetja. Avdive ka vakhara ini kotar odova so kerdjam dži akana, a sar te ova po efikasno ano avutnipe. E zorala politikano manglipa Thagarutna Srbiaki thaj džandipa sarenengo amendar e save problemjenca amare romane dizutne arakhenape, šaj te ova but polačho thaj po barjarutno amalipe”, phendja voj.

 

 Marta Garsia Fidalgo kotar Evropaki komisia phendja kaj sa phuvja ano regioni, ama ini Evropaki unia, malavdinenape e zumavipenca thaj problemjenca kana sito ano pučipe integracia Romengi thaj Romnjengi ano amalipe.

 

“Srbia resla anglunipe ani umal bešipe ano khera thaj edukacia, ama ini ani prevencia sastipasko uluvipe thaj regulišipe dokumetjengo romana khupatnako. Odova na semninela kaj buti agorisalili thaj adžukhara e Srbia te ačhol lideri ano regioni ani akaja umal”, phendja voj.

 

Fidalgo pana phendja kaj Evropaki komisia ka lundjarol te dol dumo ani socialno inklizia Romenge thaj Romnjenge thaj kaj ano akava berš ulavdilo 30 milijojna evrja vaš akaja umal.

 

Dalibor Nakić, presidento Nacionalno konsili romana nacionalno minoritetesko, phendja kaj majbaro anglunipe reslilo ani umal edukacia thaj bešipe ano khera.

 

“Pačavina zoralipe savi raštra, pedo čekat e presidentoa Republikako, kerena ano anglunisaripe pašloipe Romengo. Adikhara kaj uzo adžahar socialno politika avena pošukhar dive vaš romana khupatnake. Pedagogiake asistentja, sastipaske medijatorja thaj mobilno timja baro sito dumo vaš socialno inkluzia”, phendja o Nakić.