RSS

You are here

Mihajovićka ano putaripe majbaro balvalparki ano rjačutno Balkani

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela kotor avdive ano putaripe majbaro balvalparki ani Srbia thaj ano rjačutno Balkani, "Čibuk 1" ano Mramorki, ani komuna Kovin. Ano putaripe lele kotor ini presidento Republika Srbiako Aleksandar Vučić, direkrtori kompaniako "Masdar" kotar Khedutne Arapjenge Emiratja (UAE), savo sito jekh kotar investitorja ano akava projekti, Mohamed al Ramahi, sar ini aver uče akharde manuša.

 

"Šukhar sito te dikhav kaj projekti savo lelilo ano vakhti kana simaj ministarka energetikako agorisalilo thaj kaj bajrola kotor nevljisarenge haniga energiake ani produkcia elektrikani energia ani Srbia. Akava balvalparki ka produkuinol  eneregia kobor manglape jekh dizjake bari sar Novi Sad. Projekti sito semno ini vaš garavipe dživdipasko maškharipe, amare obligacie sar dženo Energetikani khupatni, ama ini sar misal aver investitorjenge kaj Srbia lačho than vaš investiripe, poulavdipe kana ano pučipe moderno tehnologia", phendja i Mihajlovićka.

 

Balvalparki"Čibuk 1"sa instalisimo zoralipa kotar 158,46 megavatja, siole 57 balvalgeneratorja, individualno nominalno zoralipa kotar 2,78 megavatja,a molipe investiciako ano olesko lačardipe adikharelape kaj sito 300 milijojna evrja.