RSS

You are here

Мihalovićka dikhlardja etapa Surčin-Obrenovac: Sa sito gata vaš mukhlipe ano dromutnipe

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive etapa Surčin-Obrenovac pedo auto drom “Miloš Veliki” thaj vaš odova phendja kaj si sa gata vaš taharasko mukhlipe  ano dromutnipe akale kotoresko.

 

Voj phendja kaj sakoja etapa auto-dromeski savi putardili vaš dromutnipe dikhlardja jekh dive poangle vaš te ovol pakjavimi kaj sa sito gata.

 

“Taharasta, kotar o plani 17,6 km akala etapako savo sito kotor auto-dromesko “Miloš Veliki” ka ovol  mukhlo ano dromutnipe. Odolea ovelamen  ano rndo 120 km dži Čačak, na ka ovol tradjengo tasolpe thaj kotar Beogradi dži Čačak dizutne ka traden jekh sati”, phendja i Mihajlovićka.

 

Voj lepardja kaj akaja etapa, e molipa 208 milijojna evrja, lačardja kinaki kompania CRBC.

 

“Ini kaj na kamama te labarinav akaja fraza, amen akava kotor auto-dromesko agorisindjam ini poangle rokesta thaj ano rami planirimo lovo. Ini odova sito rezultati sakodivutno bukjako thaj maškharipe Ministribasko thaj kerdutno bukjengo. Ani realizacia projektesko na sine nisave problemja” dendja klidutnipe voj.