RSS

You are here

Мihalovićka: Lačardipa sigutni dromutnikani Iverak-Lajkovac phanda Valjevo e dromea "Miloš Veliki"

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive bešipe Bukjaka grupako vaš realizacia projektesko lačardipe sigutni dromutnikani Iverak-Lajkovac, ano savo lele kotor ini dženutne kinake kompaniako CRBC,sar voj te pačavolpe ani dinamika džiavdisutne thaj ano plani avutne aktivipasko.

 

Mihajlovićka vaš odova phendja kaj akava projekti semno vaš amari phuv thaj duzutne save džividnena thaj gravitirinena ano akava kotor Srbiako, leipa ano dikhipe kaj akaja dromutnikani sitoj phandipe e auto-dromea "Miloš Veliki".

 

"Nais Thagarutnake ThR Kina so sitoj uzo amende vaš sa majbare projektja save kera. Amalikane relacie duje presidentjengo,Aleksandar Vučić thaj Si Djinping, resena amara baravalikano maškharipaske. Adjukhara ano so po sig roki te jekhavazina elementja komercialno kontraktesko, a paralelno te kerolpe buti pedo projektesko-tehnikaki dokumentacia, sar vaš o bukja te lenpe ano anglonilaj ano berš savo avela", phendj voj. 

 

Džang Sjaojuen, generalno direktori CRBC ani Srbia, naisardja pedo sikhavdo pačavipe Thagarutna Srbiako thaj telopresidentkako Mihajlović thaj phendja kaj prekal kupatno maškharipe sa rokja ka oven reslutne. 

 

"Amaro timi inžinjerjengo sine ano tereni, khupate e dženutnenca Ministribaske, "Putevi Srbije" thaj Insituti vaš droma. Sigurno sim kaj ka realizuinolpe sa ano roki, leipa ano dikhipe ini devipedumo savo amenge dena", phendja o Džang.

 

Ano bešipe bukjaka grupako lele kotor dženutne Ministribaske vaš lačardipe, dromutnipe thaj infrastruktura, "Putevi Srbije" thaj Instituti vaš droma.