RSS

You are here

Sigutno ekonomikano barjaripe ano trito kvartali, majbut naisaripe lačardipaske

Sektori lačardipasko dela majbaro reslipe ano barjaripe bruto kherutno produkti (BDP) ano trito kvartali 2019. berš, a barjaripe bruto panadendutno molipe sito dži 34,7% kana dikholape jekhe jekh trinmasekutno ano nakhlo berš.

 

Barjaripe bruto panadendutno molipe (BDV) ano trito kvartali 2019. berš but podur nakhavela barjaripe BDV-esko savo reslilo ano aver sektorja ekonomiake ano akava periodi, so sikhavela kaj lačardipe ini ano 2019. ačhola šerutno iniciatori ekonomikane barjaripaske.

 

Prekal gendja Republikako zavodi vaš statistika, kotor lačardipasko ano BDP ano trito kvartali 2019. sine 6,5%, so sito majbaro reslipe lačardipasko  vaš ekonomikano barjaripe kotar 1996, kotar kana gendja ikalenape pedo akava sistemi thaj metodologia logaripaski.

 

Ano trito kvartali 2019. notirisalo sar rekordi baripe molipasko kerdutne lačardimaske bukja, savo sine 39,9%  kana kerelape paralela e jeha jekh kvartalea 2018.