RSS

You are here

I Telopresidentka Thagarutnaki thaj ministarka

Prof. dr Zorana Z. Mihajlović

 

Prof.dr Zorana Z. Mihajlović bijandi 1970. berš ani Tuzla. Diplomirindja 1993, a doktoririndja 2001. berš  ano Ekonomiako fakulteti ano Beogradi ani umal energetika thaj ekonomija.Titula avrirndomo profesori thaj prorektori vaš skencia ano Univerziteti Džon Nezbit lela ano oktobri 2011.berš, a 2016. berš anavdisali vaš rndomo profesori ano akava univerziteti.

 

Kerdja buti ani Angluni ekonomiaki škola thaj EPS - Elektroistok. Kotar 2004 dži 2006. berš sine turvinutni ko telopresidento Thagarutnako Republika Srbiako vaš energetika. I Turvinutni vaš energetika ko premieri Republika Srpsko Milorad Dodik uli 2010. berš.

 

Аutorka thaj koautori sitoj štar pustikja kotar umal energetika thaj adikardo barjaripe. Ikaldja pobut kotar dujšelutne hramime bukja kotar problemi thaj šaipe srbikano energetikako sektori.

 

I Presidentka Konsilesko SNS vaš energetika thaj rudaripe sitoj kotar 2009.berš, telopresidentka partiaki kotar 2012, a kotar maškharipe 2016. berš dženutni prezidijumeski SNS.

 

Kotar 2012 dži 2014. berš sine guvernerka Srbiaki ano EBRD.

 

Vaš ministarka energetikaki, barjaripe thaj uluvipe dživdipasko maškharipe anavdili 2012. berš. a kotar 2014. sitoj telopresidentka Thagarutnaki thaj ministarka lačaripaski, dromutnipaski thaj infrastrukturaki. Ano portfolio ministribasko pedo savesko čekat molipe infrastrukturake projektja paše 10 miljarde evrja. Ano akava mandati anavdisali vaš presidentka Koordinaciako trupo Thagarutna RS vaš njamesko jekh jekhipe, sar ini vaš godžaripasko persona ano anav Thagrutnako vaš pučipe inkluzia Romengi. Preseduinela Kupatna grupa Thagarutna RS e bukja vaš definišipe konkretikane napja vaš anglunisaripe pozicia Republika Srbiaki ani lista Lumijaki banka kotar čhinavdipe biznisesko (Doing Business) thaj Konsili avrijalutne investitorja. Presidentka sitoj ano Koordinaciako trupo vaš dikhlaripe realizacia projektjengo, investiripe ani rekonstrukcia thaj/jase lačaripe klinikake sastipaske centarja.

 

Duj drom alosardili vaš "Reformatori beršesko" ano alosaripe Nacionalno alijansa vaš lokalno ekonomikano baripe (NALED). Angluno drom todinipe dendilo 2014.berš vaš sasutne reforme ano devipe lačaripaske mukhlipaske lila, a dujto drom todinipe "Reformatori 2016. berš" dendilo olake vaš dekadengo reforme ani akaja umal.

 

Dženutni sitoj Konsili Univerzitetesko ano Beogradi thaj Direkciako šerutnipe Fondi vaš barjaripe. Fundatori sitoj NVO Ženska vlada, dženutni ano Evropako miškope ani Srbia thaj ani organizacia East West Bridge. Voj lela iniciativa "Čhivipe pi buti jekh milja džuvlja ano ruralno thanutnipe", savo Koordinaciako trupo vaš njamesko jekh jekhipe realizuinela ano maškharipe e Etno-nreža thaj NALED-ea.