Koordinaciako trupo vaš dikhlaripe realizacija Strategiako vaš socialno inkluzia Romengo thaj Romanicengo
Thagarutni Republika Srbijaki 3.martea 2017.berš formirindja Koordinaciako trupo vaš dikhlaripe realizacia Strategiako vaš socialno inkluzia Romengo thaj Romanicengo ani Republika Srbija vaš periodi kotar 2016. dži 2025 berš (ano podur teksti: Koordinaciako trupo). Po čekat Koordinaciake truposko sitoj telopresidentka Thagarutnaki thaj ministarka vaš lačaripe, dromutnipe thaj infrastruktura, prof. dr Zorana Mihajlović.
Socialno inkluzia Romengo thaj Romanicengo pendjardilo sar jekh kotar prioritetja Thagarutna Republika Srbijaki ano klidutne strategiake dokumentja ano procesi evropake integracie, maj angle ano rami segmentesko Fundone hakaja ano Akciono plani vaš Talošero 23. Uzo odova, pedo sakova duj berš, ano maškharipe e Evropaka komisija, Thagarutni Republika Srbija organizuinela Seminar kotar inkluzia Romengi vaš te dikhlarolpe anglunisaripe pašloipe akale nacionalno minoritetesko thaj te definišinenpe prioritetja vaš periodi savo avela, ani forma Operativno klidutne vaš dujberšengo periodi.
Thagarutni lele Strategia vaš socialno ikluzia Romengo thaj Romanicengo ani Republika Srbija vaš periodi kotar 2016. dži 2025. berš, sar ini Akciono plani vaš 2017. thaj 2018 berš vaš implementacia akala strategiako. Fundono resja thaj strategiaki orjentacia Republika Srbiaki ani akaja umal sito tiknaripe čorolipasko thaj cidipe diskriminacia prekal Roma thaj Romanice, jase keripe čhinavdipe vaš pherdo reslipe manušikane hakaja personenge romane nacionalnipaske.Formiripe Koordinaciako trupo vaš dikhlaripe realizacia Strategiako, sar ini fakti kaj olea preseduinela prof.dr Zorana Mihajlović, telopresidentka Thagarutnaki, semno ka kerol vaš efikasipe ano reslipe strategiake resja ani akaja umal.
Koordinaciako trupo pe nacionalno niveli dikhlarela sa procesja phande e socialno inkluzia Romengo thaj Romanicengo, koordinirinela buti orgajnengo raštraka direkciake, orgajnengo jekhutne lokalno korkorodirekcie, publikake firmenca thaj aver forme organizuipe kotar rig Republika Srbijaki ani akaja umal. Uzo odova, ano bukjakotruj Koordinaciako trupesko sito ini anglunisaripe maškhar resorno maškharipe, devipe propozalja vaš te reaguinelpe ano urgentno situacie saveski konsekvenca šaj te ovol pana pobaro čalavdipe dženengo romane nacionalno minoriteti thaj devipe bahamja vaš čhandipe te resenpe hramimpe thaj pana disave napja save ka anen dži socialno inkluzia Romengo thaj Romanicengo.
Devipedumo Koordinaciake trupeske dela Ekspertsko grupa save kerela sa ekspertsko bukja phande e socialno inkluzia Romengo thaj Romanicengo. Vakheripe thaj halovipe kotar bešipe Koordinaciake trupesko thaj buti Ekspertsko grupako buflardi publika ka ovol informišimi pedo srbikani, romani thaj anglikani čhib.